​Idefix Bootstaufe

Di meiste vo oi kenned wahrschindli de Obelix und sini Superchreft woner becho het, wiler als Chind in Zaubertrank gfalle isch - Ich ha da ei Szene us Asterix und Obelix und die grosse Überfahrt debi: Bild 1 - Das isch eis vo de Bilder, wo de Obelix allne andere devo ruederet. Über em Obelix sin Ruederstil (wo öppe so usgsehet wie: Bild 2) müemer glaubs ned diskutiere, drum heisst das neue Boot au ned Obelix, aber s wär natürlich toll, mit dem neue Boot gnauso allne andere devo zfahre. - wemmer uf dem Bild 1 gnau luegt, hets da nebt Asterix und Obelix na en anderi, gnauso wichtigi Figur - de treui Begleiter vo dene zwei Gallier isch het es paar Sache gmeinsam mit em hütige Täufling: beidi sind chlii - zumindest im Verglich mit anderne, schwarz-wiis und gönd mit ihrne Herrli dur dick und dünn - de Name vo dere Figur isch uf Französisch usserdem es Worspiil mit em Begriff "fixi Idee", also vo öppisem so fest überzüüg si, dassmer sich ned devo abbringe laat. Sone fixi Idee zha cha scho fasch chli bessesse würke, und simmer mal ehrlich, für Lüüt wo ned ruedered simmer das ja mängisch au. Fürs ois Ruederer interpretiered mer de Begriff jetz mal so, dass mer sich vo allne Umständ wi schlechtem Wasser, Wind, Rege, Blatere, böse Blick vode Gegner und Laktat ned beeidrucke laat, sich ned vo sim Ziil abbringe laat und sis beste Renne fahrt. - Drum tauf ich das Skiff nachem treue schwarz-wiise Begleiter vode starke Gallier uf de Name IDEFIX.

​

Bild 1.

Bild 2